睡眠
瞓覺方面已經有好轉，可以一覺訓天光，但一醒便會問：天光未未呀？其實是想飲奶，因為之前不停跟她說要天光先可以飲奶，半夜唔好飲。在天光又未夠鐘起床時，會半夢半醒地飲奶，唔知幾時可以唔再用奶樽。平曰午睡一定飲住樽奶訓，放徦在街的話會抱著訓。
尿片
出街仍然用尿片，因為仲未有信心。最近情況差左，成曰玩到唔知要去，一叫去便好急，有時會趕不到。訓覺仍然要用，有時不知是半夜的，還是天濛光整濕的。試過一次半夜自己起身去小便。一邊下床, 仲一邊說: 我唔駛叫都識呀! 好似好叻咁, 果一刻見佢好精神, 幾驚佢唔再訓, 好彩冇問題。
說話
越來越老積，連老師都話用成人口吻說話。
希望大個
好想快d大快d高，氹佢食野睡覺都會話你係咪想快d高呀？除左用呢個方法, 有時都要用ipad, 因為講過食多d野先可以玩ipad.
性格
堅持，硬頸, 之前話左咁樣一定要咁樣, 唔容易屈服.
對自己要求高, 有d野好想去完成, 完成唔到會大喊, 發脾氣.
有主見, 知道自己想要乜, 鍾意乜, 表達到比你知.
飲食
食多了少少, 但平日仍然是嫲嫲喂, 星期六日, 自己食, 唔比人喂.
有晚, 大家食飯, 愷晴之前食左, 於是玩ipad, 玩玩吓ipad好開心, 嫲嫲話, 你今日食得少唔玩得咁耐喎!
愷晴即時無了呆了, 自己關了ipad. 說: 我依家想食多d呀!
於是再一起食.
聽話
有時都好聽話, 會肯聽你講的道理, 有d野佢唔肯, 你用多幾日同佢講多d, 佢慢慢會肯, 會試吓.
衣著
好怕著緊身衫褲, 唔肯著襪褲, legging 等等....有次終於肯試吓著, 但一著左都係要除返下來. 看來真的好怕緊.
顏色, 形狀
仍然好鍾意玩顏色, 形狀的玩具, 對顏色仍然好敏感, 有日係d顏色筆後面有好多字, 問我, 我逐隻話佢知, 某日看見隻綠色, 說: 呢個係湖水綠呀! 我再看看盒顏色筆, 果隻綠又真係叫湖水綠喎.
最近, 話自己最鐘意紫色, 有時選野又選粉紅色, 問佢, 你唔係鐘意紫色咩, 佢會話: 粉紅色我都鐘意.
字
中文字開始認得少少容易的. 英文未能認出成個字.
看書
都幾鍾意看書, 有時會自己坐係度看, 自己同自己講.
沒有留言:
發佈留言