抱著兔仔訓覺(四)

無再在晚上飲住奶訓已經有一個月, 其間試過兩三晚半夜要飲奶, 大部份時間都可以一覺訓天光.但其實已經再沒有攬著兔仔訓, 而是攬著媽媽訓, 兔仔只是放在床上, 我想愷晴沒有看牠一眼. 但現在有個奇怪現象, 晚上講完松鼠bb故事, 開始唔出聲等愷晴訓的時候, 當她差不多入睡時, 她都會叫:"飲奶奶呀!":"飲奶奶呀!"...有時她會叫得很大聲, 心怕她又要飲, 但叫多幾聲後, 她或會唱唱歌, 等一會, 再叫過, 或是叫叫吓, 便訓著了, 有時覺得她是用這說話催眠自己訓覺.

到於睡午覺, 仍然是飲住奶訓.

自從喜歡攬著媽媽訓後, 愷晴喜歡平時都攬著媽媽, 當她懂得坐後, 住住捨車必定要自己坐一個位, 不要你抱她坐的, 但最近次次出街, 都要媽媽抱著坐車, 又喜歡訓在媽媽的膊頭上.