N1的第二個星期

第二個星期, 開始習慣了, 可能日日所做的事差不多, 有時問她係學校玩什麼, 她都會不回答. 但問她同學的姓名, 有六個, 她能夠說回三個. 返了學兩星期, 老師說同學們之間未開始有溝通, 說這年紀這樣是正常的. 老師說愷晴在學校很好, 唯一是其他同學想拿她的玩具, 或是善意的接觸她, 她都會大叫, 著我叫她不要這樣. 原來愷晴在班中是最大的, 可能因為她是年頭B.

幾十年都一樣的幼稚園歌: 大陽伯伯, 下雨歌

山頂

What comes next?

寫字.畫畫

最近愛寫字, 寫到1-5, 又會寫A, M及小字, 成日問人點寫. 唯有給她當畫公仔咁畫.






最近的畫, 上左: 圓圈中的圓圈, 上右: 人(亂畫後覺得似人, 於是加眼口), 下左:哈哈笑, 下中:魚魚(又係亂畫後覺得似, 加眼), 下右: 手手

行山-小西灣至大浪灣

N1的第五天

今天仍然是返兩個半小時, 已經開始習慣了.
問問她一些上學的事情, 都會答, 但有些時候好像分不開是那一天發生.

上課老師叫畫的圓圈.

N1的第四天

今日第四天返學, 開始返多一個小時, 即時要返兩個半小時.

相信已經開始習慣了, 沒有再喊, 又會在學校食野, 爺爺說她今天放學拿著老師送的哈哈笑公仔, 很開心!


















媽媽: 今日有冇喊呀?
愷晴: 冇!
媽媽: 咁仲有冇小朋友喊呀?
愷晴: 有!
媽媽: 你無喊咁叻呀!
媽媽: 冇喊, 咁老師送什麼給你呀?
愷晴: 哈哈笑公仔
媽媽: 咁喊的小朋友無哈哈笑公仔呀? 有乜呀?
愷晴: 有貓頭鷹!

........
媽媽: 今日係學校食乜呀?
愷晴: 腸仔!
媽媽: 你有冇食呀?
愷晴: 有!
媽媽: 咁有冇野飲呀?
愷晴: 飲水水.
媽媽: 咁你用叉叉定用手手食腸仔呀?
愷晴: 用手手.

........
媽媽: 學校食野有冇口水肩呀?
愷晴: 用好似姐姐個d..
媽媽: 係咪圍裙呀?
愷晴: 係
媽媽: 咁你條圍裙乜野色嫁?
愷晴: 粉紅色
媽媽: 個個都係粉紅色嫁? 男仔都係粉紅色?
愷晴: 唔係, 男仔藍色
媽媽: 男仔藍色, 女仔粉紅色?
愷晴: 唔係,男仔有藍色, 有粉紅色, 一個男仔藍色, 一個男仔粉紅色.

........
媽媽: 今日老師同你們玩乜呀? 有冇唱歌呀?
愷晴: 有
媽媽: 咁你有冇拍拍手呀?
愷晴: 有, 仲有好似跳芭蕾舞咁舉高手轉轉轉! (隨即做埋動作)
媽媽: 咁小朋友有冇跳呀?
愷晴: 有!
媽媽: 咁老師有冇跳呀?
愷晴: 有!
媽媽: 咁仲有做乜呀?
愷晴: 我跑來跑去!

........
媽媽: 老師仲同你玩休麼?
愷晴: 畫圓圓
媽媽: 咁其他小朋友有沒有畫?
愷晴: 其他小受友畫水母, 畫八爪魚.

........
媽媽: 老師係學校有無點名呀!
愷晴: 有, 老師叫彭愷晴, 跟住呢, 跟住我舉手話'到'!
(呢個未必係事實, 因為早一晚, 我教她如果老師點名的話, 會叫彭愷晴, 到時你便要舉手話'到'
早兩日問她都沒有點名的)

........
媽媽: 你知唔知老師叫乜名?
愷晴: .....
媽媽: 係咪叫鄭老師呀? 定叫鄭主任呀?
愷晴: .....
媽媽: 咁嬸嬸叫乜名呀?
愷晴: 嬸嬸叫乜名呀?
媽媽: 我都唔知喎, 你明天返去問吓老師叫乜名, 嬸嬸叫乜名!
媽媽: 咁你有冇問小朋友叫乜名呀? 老師點叫小朋友呀?
愷晴: 冇..
媽媽: 咁老師點叫你呀, 係咪叫你愷晴呀?
愷晴: 係!

........
媽媽: 明天仲返唔返學呀?
愷晴: 返!

N1的第三天

今日第三天, 仍然返一個半小時.

今天鄭主任來電, 說愷晴今天進步很多, 她沒有喊, 肯食三文治, 又自己玩玩具, 原來昨天她起初沒有喊, 中段見到小朋友喊又跟著喊, 但今天全日沒有喊...
今天老師跟她們唱歌, 她亦有跟著拍手, 老師說好今天進步不少, 著我回家讚讚她..
老師覺得她很有主見, 因為見她話走, 真的自己著鞋自己走....可能呢件事老師印象很深, 今天又再提起..
跟老師說回愷晴回家說到昨天的事, 發覺她真的講到不少..

....
媽媽:今日係學校有冇喊呀?
愷晴:冇!
媽媽:咁其他小朋友呢?
愷晴:有
媽媽:咁你下次叫小朋友唔好喊啦!

....
媽媽:今日你有冇食野呀?食乜呀?
愷晴:食包包
媽媽:係咪食三文治呀?
愷晴:係
嫲嫲:啊!你今日又話食左兩塊獸形餅既!

....
媽媽:今日老師同你玩乜呀?
愷晴:同你玩乜呀?
媽媽:係咪同你唱歌呀?
愷晴:拍拍手..
媽媽:老師唱歌你拍手呀!咁小朋友有冇拍呀?
愷晴:有

....
媽媽:明天仲返唔返學呀?
愷晴:返!
媽媽:仲,喊唔喊呀?
愷晴:唔喊!
媽媽:食唔食野呀?
愷晴:食乜野呀?
媽媽:我都唔知喎, 看看明天食乜野? 你返來講我聽, 好唔好?
愷晴:好

N1的第二天

今日第二天, 仍然返一個半小時, 回家後嫲嫲話比昨天好好多, 沒有那份緊張的感覺.

今天老師沒有致電告知情況, 只由愷晴及嫲嫲告知. 今天仍要有喊, 老師跟嫲嫲說, 她喊了少少, 但愷晴話喊得多, 仍然沒有食餅餅, 沒有飲利賓納, 只飲了兩啖水. 今天老師講故事, 講猴子故事, 愷晴說老師扮猴子叫, 做動作話猴子咁樣, 她有回答老師問關於故事內的其他動物. 愷晴說有玩玩具, 但我忘了她說的是什麼玩具. 沒有玩滑梯, 因為滑得好快.

.....
媽媽:你今日返學, 有沒有喊呀?
愷晴:有
媽媽:喊少少呀?
愷晴:喊多
媽媽:咁明天仲喊唔喊呀?
愷晴(舉起食指,笑笑口,肯定地答):喊!

.....
媽媽:今日有沒有其他小朋友喊呀?
愷晴:無, 得我自己一個喊
(之後老師說,其實仲有小朋友喊, 不過不是與她一起喊)

.....
媽媽:今日有沒有食餅餅呀?
愷晴:無, 明天食啦!

.....
媽媽:今日老師同你做乜呀?
愷晴:講故事
媽媽:講乜呀?
愷晴:講馬騮
媽媽:老師指住d動物問你, 你有沒有答呀?
愷晴:有..馬騮..
媽媽:咁小朋友有冇答呀?
愷晴:小朋友話, 斑馬..
媽媽:咁, 仲有乜野呀?
愷晴:我話河馬咁樣囉!

.....
媽媽:你有冇坐櫈櫈呀?
愷晴:有
媽媽:坐乜色呀?
愷晴:黃色
媽媽:咁小朋友呢?
愷晴:有藍色,綠色,黃色.

.....
媽媽:學校係咪有bb廁所呀?
愷晴:係呀!
媽媽:咁你有冇去呀?
愷晴:有
媽媽:邊個同你去呀?
愷晴:姨姨
媽媽:咁去唔去到呀?
愷晴:去到!

.....
媽媽:今日有冇玩滑梯呀?
愷晴:冇..好快嫁, 我怕..

.....
媽媽:明天返唔返學呀?
愷晴:返!
.....

N1的第一天

第一天上學, 今天, 返一個半小時, 爺爺嫲嫲帶她回學校, 帶進學校後, 嫲嫲陪她玩了一陣車車後, 老師便叫爺爺嫲嫲回家. 放學時, 爺爺接她, 她攬實爺爺, 要爺爺抱, 回到家後, 還要嫲嫲攬一會, 還好像很委屈, 很緊張的樣子, 之後要立刻脫校服, 尿尿, 飲水水, 成個人鬆晒.

幼兒園鄭主任來電告知愷晴第一天上課的情況...
以下是老師告知的情況:
爺爺嫲嫲走後, 起初愷晴沒有喊, 但當她見到其中一個小朋友喊便跟著喊, 老師說她沒有大喊, 只是在飲泣, 老師說她講野都幾叻. 還叫著: 我要走, 我要出去, 又說要找嫲嫲, 要著鞋走. 於是自己便拿回鞋子穿上. 老師說她真的自己穿上鞋子, 只要忘記貼上魔術貼. 於是老師, 姐姐們拿玩具, 書書逗她, 抱著她. 喊一會, 她便沒有喊了. 跟著她自己玩玩桌上的玩具, 踏踏車車, 跟同學們各自各玩. 在茶點時間時, 有動物餅, 有維他奶, 她都沒有食沒有飲, 只飲了兩口水. 問她去不去尿尿, 她亦沒有去. 到放學的時候, 爺爺叫她跟老師拜拜, 她便跟老師拜拜便走了. 老師說在這星期的適應只會做一些比較動態活動, 少點靜態的, 會玩玩車車, 讓她適應新環境.

回家後, 用不同方法問愷晴學校的情況, 愷晴話自己喊少少, 喊的時候老師拿書書給她, 書書有熊仔, 又有本有apple 的書, 她看有apple 的書, 又拿兔仔給她, 她摸兔仔的毛, 沒有玩兔仔, 替她抺眼淚, 她說:嫲嫲幫你呀!, 無食餅餅, 無飲維他奶, 無飲水, 果度無水, 小朋友坐係度飲野食野玩, 佢無坐, 小朋友玩lego, 佢無玩, 佢只係玩滑梯, 個滑梯滑得好快, 佢玩了兩次, 無玩其他玩具, 企係度, 無坐. 老師叫去尿尿, 佢無去.

....
媽媽:你返學有沒有喊呀?
愷晴:喊少少, 明天唔喊.
媽媽:咁仲有冇小朋友喊呀?
愷晴:有, 有兩個女仔喊.
媽媽:連埋你兩個呀?
愷晴:連埋我三個..
媽媽:咁D男仔有冇喊呀?
愷晴:冇
....
媽媽:有幾多個男仔呀?
愷晴:兩個
媽媽:有幾多個女仔呀?
愷晴:三個
愷晴:連埋你呢?
愷晴:三個
嫲嫲:好似有四個女仔喎!
媽媽:連埋你四個女仔?
愷晴:三個
(嫲嫲都不太肯定了)
....
媽媽:你喊, 嬸嬸有冇抱你呀?
愷晴:冇
媽媽:有冇比書書你看呀?
愷晴:有
媽媽:書書有乜呀?
愷晴:有熊仔, 我看有apple 的書書. 有apple的書書有apple.
....
媽媽:你明天返唔返學呀?
愷晴(做出一個古惑的表情):返呀!
....

老師跟愷晴說的大致相同, 有些地方有點出入, 不知是老師隨便說說, 還是愷晴說得不清楚了.

晚上, 松鼠BB故事時間, 問她講松鼠BB明天返學好嗎, 她亦肯. 至少, 她不抗拒返學, 希望明天有進步啦!

開學了

第一個星期適應期, 星期一至三返1個半小時, 星期四五返二個半小時, 第二個星期便要返足三小時了.
今天只返1個半小時, 希望唔會喊太多啦!

打乒乓球

媽媽科大同學gathering

這天很多小朋友跟愷晴玩, 可惜太少時間給她熱身了, 遇上熱情的小朋友想與她玩, 她都避開, 要扭著我.

兩歲半

戒片

呢兩個星期在家開始少穿片, 一個星期左右, 已經開始懂得叫小便, 雖然有時會玩到唔記得, 要耐不耐問問佢, 但都算是戒了日頭片, 希望早點戒埋去街片啦.

29個月的愷晴

睡覺
不再飲晚上那餐奶奶, 明顯訓得好了, 少了半夜喊醒要奶奶

飲食
開始食多一點, 平日不知怎的, 仍要嫲嫲喂, 但一到星期六日, 便是自己食, 不用喂的, 或者是唔比人喂, 一定要自己吃. 最近喜歡了吃蛋壽司, 一餐試過吃四件. 除了蛋壽司, 還很喜歡吃日本的魚蛋.

戒片
仍未能戒掉尿片, 但最近開始多點不給她尿片, 她開始懂得表達如廁的需要, 在街上, 叫她到廁所如廁, 亦成功試過幾次了

抱著兔仔訓覺(四)

無再在晚上飲住奶訓已經有一個月, 其間試過兩三晚半夜要飲奶, 大部份時間都可以一覺訓天光.但其實已經再沒有攬著兔仔訓, 而是攬著媽媽訓, 兔仔只是放在床上, 我想愷晴沒有看牠一眼. 但現在有個奇怪現象, 晚上講完松鼠bb故事, 開始唔出聲等愷晴訓的時候, 當她差不多入睡時, 她都會叫:"飲奶奶呀!":"飲奶奶呀!"...有時她會叫得很大聲, 心怕她又要飲, 但叫多幾聲後, 她或會唱唱歌, 等一會, 再叫過, 或是叫叫吓, 便訓著了, 有時覺得她是用這說話催眠自己訓覺.

到於睡午覺, 仍然是飲住奶訓.

自從喜歡攬著媽媽訓後, 愷晴喜歡平時都攬著媽媽, 當她懂得坐後, 住住捨車必定要自己坐一個位, 不要你抱她坐的, 但最近次次出街, 都要媽媽抱著坐車, 又喜歡訓在媽媽的膊頭上.

親親動物農莊+青衣中央公園