26個月的愷晴

夜奶
近兩歲時突然晚上大哭,開始飲返夜奶,試過一星期晚晚要飲,現在一星期會飲一兩晚,有時亦會一星期無飲,進步中。

飲奶瞓
仍然是飲住奶瞓,有時會問她飲水水定奶奶,有時都會飲住水瞓,如果飲住奶瞓,會最後給她啜幾啖水,希望唔會蛀牙.

兩個松鼠BB故事
睌睌睡前要講兩個松鼠BB故事,其實係將她的日常活動講一次,但係一定要講松鼠BB,唔可以講愷晴,因為係
講緊松鼠BB故事.

戒片
未開始,坐過便盆成功過,但時常都話要企係度去.叫佢唔用片又唔肯.話大個D先唔用片,愷睛細個.

自己呀!
樣樣都要自己做,自己著鞋除鞋,自己食飯(但又成日唔係點食,次次都要話比第個食,便說愷睛食呀,同你食兩啖)

扭計大叫
會叫她細細聲說,她便會說:
唔該媽媽幫我呀唔該.

作對
做你叫她相反的事,叫她唔好喊,便會喊住說:喊呀!

秩序感
兩歲後秩序感更覺强烈,玩具要放回原來的位置,新玩具一定要放回原來的盒子,上床下床一定要踏著矮椅子上,堅持要媽媽開奶,那個跟她玩開的玩具,下次便要相同人跟她玩.

說話
喜歡覆述你的說話
如:爸爸話愷晴玩玩具喎!
越來越多大人說話,最近常說:咁得意既!因為乜呀?咁都有嘅!

我.你.他
開始多用我來表達自己,大部份時候都用啱.亦會用你及人哋.

愷睛BB
成日見到自己細個D相,問係邊個,同佢講係愷睛BB,好似唔係咁清楚原來係自己

最怕
仍然很怕小丑,怕一些畫花臉的人.怕行沙,怕"痴粒粒",如奶皇飽的奶皇,一掂到手便大叫.

最愛玩
貼貼紙,拼圖,滑梯,千秋,拿著人仔模仿日常生活情境,自言自語.

食物
仍然最愛吃蔬果,不愛吃肉

講故事
講故事前要唱I love baby,有時自己會打開書,自己講故事

認字
成日指住d字問你:呢個係乜字呀?同佢講完, 會跟住你讀一次

性格
好怕羞, 陌生人同佢講野, 好多時都唔出聲
做野好謹慎, 食物中有少少硬d的, 便會問你呢d食唔食得
有時都好聽話, 問過你先去做d野, 不過問還問, 如果你話唔好, 佢唔係一定唔做